Kjo është e vërteta
Kurani eshte Univers i heshtur,ndersa Universi eshte Kurani qe flet!

A ia ke paguar faturen Allahut ?

Një njeri arriti në moshën 70 vjeçare dhe ishte prekur nga një sëmundje që e bëri të paaftë të urinojë. Mjekët i treguan atij që duhet të bëhet një operacion për ta shëruar sëmundjen. Ai u pajtua ta bëj operacionin sepse ndjente dhimbje të fortë, thuajse për çdo ditë. Kur përfundoi operacioni mjeku i dha atij faturën në të cilën ishin shënuar shpenzimet. Derisa shikonte faturën njeriu filloi të qaj; por mjeku i tha nëse shpenzimet janë të larta mund të bëjmë ujdi me ju. Njeriu i vjetër u përgjigj: “Unë nuk po qaj për shkak të parave, por po qaj sepse Allahu më dha shëndetin për 70 vite dhe Ai kurrë nuk më ka dërguar faturë.”

SubhanAllah! Shumë pak e falënderojmë Allahun për këto gjëra që me të vërtetë janë të mira. Ta lusim Allahun të na dhurojë aftësinë që ta njohim shpërblimin e Tij dhe ta falënderojmë Atë më shpesh.

“Dhe Ai ju dha gjithçka që ju kërkuat, dhe po të numëronit mirësitë e Allahut, nuk do të jeni në gjendje t’i numëronit ato.” (Kur’an: 14:34).