Bej mire
Ajo ishte duke udhëtuar me makinën e saj, krejt e vetme. Në një vend të pabanuar makina pëson një defekt. E ndaloi makinën dhe doli jashtë të shohë çmund të bënte, por u zhgënjye shpejt. Dëmi mesa dukej ishte i rëndë. Hyri brenda dhe u përpoq ta ndezë, por makina nuk ndizej dhe kishte një zhurmë të frikshme. Qëndroi buzë rrugës me shpresë se mos kalon ndokush, por asgjë nuk dukej në horizont. Pas pak kohësh vjen një makinë e cila me ta vënë re qëndron. Nga makina doli një djalë i ri.
Sa u gëzua aq edhe u frikësua. Mund të ishte njeri shumë i mirë, por mund të ishte dhe ndonjë kriminel.
Ai e pyeti zonjën për hallin dhe gjithë frikë ajo i tregoi për problemin e makinës.
I kërkoi të hyjë brenda në makinë ngaqë ishte dhe ftohtë dhe ashtu bëri.
Ndërkohë, i riu përveshi mëngët dhe filloi të punojë tek motori i makinës.
Kur besoi se e rregulloi, i riu buzëqeshi dhe i kërkoi ta ndezë.
Makini lëshoi një uturimë dhe dukej se punon mirë dhe ishte rregulluar.
Ajo nxori portofolin dhe hoqi një shumë të mirë parash, të cilat dëshironte t’ia japë për shërbimin që i kreu.
Por ai i buzëqeshi dhe i tha:”Më quajnë Adam dhe nuk dua asgjë nga ju. Gjithçka që kërkoj është që nëse shihni ndonjë njeri në nevojë, ndihmojeni me ç’të mundni”
Ajo vazhdoi rrugën derisa mbërriti tek një restorant. Ndaloi makinën dhe zbriti të pushojë dhe të marrë diçka për të ngrënë. Kamerierja që i shërbente ishte një femër e re në moshë dhe shtatzanë, në muajt e fundit. Dukej që barra dhe puna ishte diçka e vështirë për të.
Pasi konsumoi ushqimin, zonja u ngrit dhe i la në dorë kamerieres 100 dollarë. Kamerierja vajti tek arka dhe nxori që andej kusurin, por pa që zonja në fjalë ishte larguar. Kur vajti të pastrojë tavolinën, poshtë pjatës gjeti 500 dollarë të tjera.
Kur kamerierja u kthye në shtëpi e gëzuar nga ai bakshish që kishte marrë, e cila do i kursente punën përgjatë muajve të mbetur deri në lindje, e priti i shoqi tek dera. Ajo e përqafoi dhe para se ti tregojë për bakshishin, i tha:”Të dua shumë Adam!”
Përveçse e mira që bën të kthehet shumëfish, ajo bëhet shkak që të bërit mirë kultivohet edhe tek të tjerët. “Bëni mirë sepse Zoti i do ata që bëjnë mirë!” (Kuran)
