Dialog me çastin
Të gjithë çastet e jetës, ose janë mike të ngushta të njeriut dhe do të dëshmojnë në favor të tij, ose
armike të pamëshirshme që do të dëshmojnë kundër njeriut Ditën e Kijametit.
Një ditë, u ula t’i kërkoj falje Zotit për gjithë ato çaste dhe kohë nga jeta ime, të cilat i kam kaluar në
gjëra të padobishme. I penduar nga kohët e humbura, ftova një nga ato çaste të kaluara kot.Unë:”Dua të kthehesh sërish tek unë, me qëllim që të të shfrytëzoj për vepra të mira!”Çasti:”Koha nuk qëndron neutrale kurrë!”Unë:”O çast, të lutem të kthehesh me qëllim që të përfitoj diçka të mirë ose të kompensoj ndonjë të
metë.”Çasti:”E si mund të kthehem, ndërkohë që jam i mbuluar nga kushedi sa faqe të mbushura me veprat
e tua?!”Unë:”Bëj të pamundurën dhe kthehu! Ah sa çaste kam humbur kot nga jeta ime!”Çasti:”Nëse do të ishte në dorën time, do të isha kthyer. Ai të cilit po i thërret është i vdekur. Fletët e mbushura me veprat e tua janë palosur tashmë dhe janë dërguar tek i madhi Zot.”Unë:”A e ke të pamundur të kthehesh tek unë, edhe
pse po flet me mua?!”Çasti:”Të gjithë çastet e jetës, ose janë mike të ngushta të njeriut dhe do të dëshmojnë në favor të tij, ose armike të pamëshirshme që do të dëshmojnë kundër njeriut Ditën e Kijametit. Në një rast të tillë, armiqtë e kanë të pamundur të bashkohen.”Unë:”Ah i mjeri unë për gjithë ato çaste të çuara
dëm gjatë jetës! Të lutem kthehu me qëllim që të veproj diçka të mirë dhe dobiprurëse! Por çasti
heshti dhe nuk foli.”Unë i thashë sërish:”O çast, a nuk më dëgjon?! Mu përgjigj të lutem!”
Çasti:”O gafil ndaj vetes dhe vrasës i kohës tënde!! Si nuk e kupton se në përpjekje për të kthyer një cast të humbur më parë, po humbet kushedi sa çaste të tjerë nga jeta jote?! A do të përpiqesh që t’i kthesh dhe këto çaste që po i humbet tani?! Ajo me të cilën të këshilloj të veprosh, është vetë thënia e Zotit të madhëruar që thotë:”Veprat e mira i fshijnë ato të këqiat..”Nxito o filan.. përpiqu, vepro vepra të mira, kije frikë
Zotin kudo që të ndodhesh, pasoje të keqen me të mirë që t’a fshijë atë dhe trajtoji njerëzit me edukatë
dhe moral të lartë!”